29 лістапада, у суботу, Згуртаваньне Беларускай Моладзі ў Амэрыцы (ЗБМА) будзе ўшаноўваць памяць Слуцкіх Паўстанцаў на беларускіх могілках недалёка царквы Сьвятой Ефрасіньні Полацкай у Нью Джэрзі.

27 лістапада 1920 года нашыя продкі сваім змаганьнем з пераўзыходзячымі сіламі камуністаў даказалі ўсяму сьвету сваю любоў да Беларусі. Паўстанцы прадэманстравалі, што свабода Радзімы даражэй за жыцьцё. Сярод афіцэраў паўстанцкіх сілаў 1920 г. быў стаўшы пазьней сьвятаром БАПЦ айцец Фёдар Данілюк.

Даезд з Нью Ёрку на цягніку ад Penn Station да прыпынку New Brunswick. Там аб 11:30 раніцы ўсіх будуць чакаць машыны, якія адвязуць да месца ўшанаваньня памяці паўстанцаў. Телефон для даведак: 609-510-3976.

30 лістапада, у нядзелю, а 10:00 раніцы, па адрасе: 9 River Road, Hihgland Park, NJ 08904, адбудзецца служба ў царкве Сьвятой Ефрасіньні Полацкай у памяць пра змагароў за Беларусь.

СЬНЕЖАНЬСКІ СХОД АДДЗЕЛУ БАЗА--У Фундацыі Крэчаўскага

Чарговы сход Нью Ёрскага аддзелу БАЗА адбудзецца у нядзелю,
14 СЬНЕЖНЯ 2008 г., у Фундацыі Крэчаўскага ў Кўінсе (Нью Ёрк), па адрасе:

166-34 Gothic Drive (на рагу пры 167 Street), Jamaica, NY 11432.


Пачатак сходу а 1:00 папаўдні.

Сёлета спаўняецца 88 год Слуцкаму Збройнаму Чыну, калі нашыя прадзеды падняліся на абарону сваёй зямлі. Гэтае выступленьне са зброяў у руках супраць расейскай агрэсіі й камунізму ўзначаліў Беларускі Нацыянальны Камітэт у Слуцку, у які ўвайшлі беларускія эсэры, прыхільнікі генерала Булак-Булаховіча і беларускія беспартыйныя патрыёты. Камітэт склікаў Беларускі Зьезд Случчыны які адбыўся 14-15 лістапада ў прысутнасьці 117 дэлегатаў. Актыўны ўдзел у яго працы ўзяў Павал Жаўрыд—камісар Найвышэйшай Рады БНР на Случчыну.

14 лістапада была прынятая рэзалюцыя з ухвалай Найвышэйшай Рады БНР, і абраная Беларуская Рада Случчыны з 17 чалавек начале з Уладзімерам Пракулевічам. Гэтая Рада пераняла ўладу на Случчыне “аж да ўтварэньня абранай Рады ўсёй Беларусі”. У дэклярацыі, прынятай Зьездам, гаварылася:
“1. Беларусь павінна быць вольнай незалежнай рэспублікай у сваіх этнаграфічных межах.
2. Слуцкая Рада выступае за абарону сялянства і ўсіх грамадзянаў ад гвалту збоку чужаземных захопнікаў.
3. Слуцкая Рада ў выпадку патрэбы будзе бараніцца сілай зброі, нягледзячы нават на лічбовую перавагу ворага”.

КАСТРЫЧНІЦКІ СХОД АДДЗЕЛУ БАЗА--У Фундацыі Крэчаўскага

Чарговы сход Нью Ёрскага аддзелу БАЗА адбудзецца у нядзелю,
12 КАСТРЫЧНІКА 2008 г., у Фундацыі Крэчаўскага ў Кўінсе, па адрасе:

166-34 Gothic Drive (на рагу пры 167 Street), Jamaica, NY 11432.


Пачатак сходу а 1:00 папаўдні.

РЭЗАЛЮЦЫЯ 28-Й СУСТРЭЧЫ БЕЛАРУСАЎ ПАЎНОЧНАЙ АМЭРЫКІ Й КАНФЭРЭНЦЫІ “ГОД БЕЛАРУСКАЙ ДЗЯРЖАЎНАСЬЦІ”
Аб абароне мовы, культуры, свабоды і незалежнасьці Беларусі